"Economía de mercado" en Onda Curta

Onda Curta, o programa de TVG especializado en curtametraxes, emitirá a nosa curta na medianoite do domingo 26 de abril ademais de entrevistas a Vicente de Souza, Alejandra Dans e Juan de Oliveira.

Selección para o "II Festival Galego de Curtas de Sada 2009"

A nosa curta foi seleccionada a concurso para o "II Festival Galego de Curtas de Sada 2009". A proxección será o día 23 de abril ás 20:00 na mesma sesión que ás curtas "Caracolas", "Z", "Don señor e o home do soño" e "Ionqui". O día 25 de abril ás 19.00 horas celebrarase -tamén na Casa da Cultura- a gala de clausura e a entrega de premios.

"Economía de mercado" en IMDB

A nosa curta xa ten espazo na base de datos sobre audiovisual máis importante da rede, Internet Movie Data Base.

Proxeccións en Santiago

Dentro do Ciclo de Cinema Galego do Teatro Principal, proxectarase "Economía de mercado" en Santiago de Compostela xunto coas curtametraxes: "Esta noite, velada", de Antón Caeiro; "Caracolas", de Miguel Caruncho e "Alternativa cero", de Plácido Baranda. Haberá dous pases: un, o luns 9 de marzo ás 22:15, e o outro, o xoves 12 de marzo ás 20:15.

Éxito da estrea

Quedamos moi contentos coa estrea en termos xerais. Houbo unha razoable cobertura nos medios e veu bastante xente. A proxección foi razoablemente boa. E pasámolo todos bastante ben. Graciñas a todos. Agora toca intensificar a fase de envíos a festivais.

Estrea "Economía de mercado"

Xa temos data para estrea da curta: vernes 20 de febreiro de 2009 na Fundación Caixa Galicia (Cantón Grande 21- 24, A Coruña) ás 20:30. A proxección será en HD grazas á tecnoloxía aportada pola distribuidora Mr Misto Films. Así que poderemos desfrutar de cada unha das 720 liñas horizontais que tanto traballo nos costaron. Entrada libre.

Cartel

Novas sobre a postprodución

A edición da curta está a progresar axeitadamente. Temos unha premontaxe sobre a que estamos traballando e á que lle engadiremos a fantástica música aportada por Alberto Conde Trío. Que todo encaixe xa é unha boa nova, pero é que ademáis as sensacións que nos transmite a curta nesta fase son moi boas. Así que... parabéns para todos.

Trailer

Economia de Mercado Trailer from Economia de Mercado on Vimeo.

É posible velo en HD no enlace directo de Vimeo ou na parte dereita superior seleccionando HD on.

Fin da gravación

A verdade é que tardamos varios días en recuperarnos física e psicolóxicamente. Foi moito o cansanzo acumulado durante días moi intensos. O resultado aínda é cedo para valoralo pero semella moi por enriba das mellores expectativas. Pensamos que se acadaron os obxectivos perseguidos sobradamente.

Aínda así hai que ser autocríticos e valorar os erros para poder mellorar en futuras ocasións.

A sensación xeral que nos invade é de que se fixo un traballo extraordinario no equipo técnico e artístico, en circunstancias duras e de moita esixencia e cun plan de traballo para superhomes e supermulleres. Pero fixémolo.

Parabéns e moitísimas grazas por todo.

Antercar.... que gran empresa!